Travel Reports
Enchantment of the Seas
April 1, 2009, nos a join e crusero Enchantment of the Seas cu a sali for di Panama, sigui pa Cartagena, Aruba, Corsou, Boneiro y bek pa Panama. Na Aruba nos tabata mas o menos 40 hende cu a join e trip aki. Na Corsou mi amigo Sr. Bregilio “Bubu” Wanga, un ex-polis na Aruba a bin topa nos na waf y a duna nos un tour di Corsou pa mita dia. Corsou ta progresando y loke mas mi a gusta ta cu nan ta restaurando hopi di e edificonan bieu cual ta haci cu Corsou ta birando masha bunita y vooral den su historia. Na Boneiro, Rudolf Rafini y Rita Paskel cu a bay cu nos a join nos den un tour cu taxi rond di Boneiro. Semper nos a gusta Boneiro pa su trankilidad y su hendenan masha amabel. Loke mas a impresiona mi ta cu nan tin actualmente 3 molina di biento pa coriente cu nan ta actualmente haciendo un prueba pa wak si e molinanan por re-emplsa coriente di nan compania electrico. Esey a resulta positivo y awor nan ta bay instala seis molina mas cu lo duna henter e pueblo (14,000 habitante na Boneiro) coriente di molina di biento.
Anuke nos a crusa un biaha den uncrusero door di Panama Canal, e biahe aki tabata para na banda pa wak e bapornan crusa e canal. Esaki tabata un otro experiencia ya cu e biaha aki nos por a mira varios atraccionnan turistico y historico den e edificio. Despues e tour bus a laga nos den un mall pa shopping. E hotel cu nos a keda tabata sublime den servicio y un five-star. Copa Airlines cu nos a bolbe Aruba tabatin un servicio masha atento, bon cuminda y drinks gratis. Hopi bunita trip. Danki na Sorayda Maduro cu a haci nos segundo crusero den un luna asina facil y comodo.