Travel Reports
Riba Liberty of the Seas
Nos ta spera cu Soraida y famia ta bon di salud. Nos ta bon y ayera nochi nos a regresa cu masha hopi y bunita recuerdo di nos crusero riba e barco crusero di mas grandi actualmente, Liberty of the Seas.
Nos a haya splicacion di Oasis of the Seas cu lo kita e titulo di Liberty dia 1 di December proximo. Nos a aplica pa bira miembro tambe di Royal Caribbean cu despues nan ta bai post nos carchi di miembrecia.
Nos kier tuma e oportunidad aki pa gradici Soraida y Maduro Travel pa e bunita trabou cu Soraida a haci pa nos. Nos no a encontra ningun problema, tur cos, cuminsando cu e buelo di Surinam Airways, e barco, y Red Roof Inn. a wordo bon regla pa Soraida. Ohala cu pronto nos lo bin bek pa fix un otro.
Nos buelo tabata bon, Red Roof Inn tabata hopi bon, cu un continental breakfast, no manera un desayuna normal, pero bon; e barco tabata fully booked, si mi no kiboka, 3640 pasahero, y ningun momento nos por bisa algo di e servicio excelente, e Chef den e Chef’s Dinner a bisa cu nan ta sirbi 80,000 plato di cuminda pa dia. E promenade ora bo cana aden ta mescos cu bo ta den un stad cu tur e tiendanan na banda. Mi a saca masha hopi portret y si Soraida ta interesa lo mi por manda algun.
No tin ningun bapor cu ta sali for di Aruba te ainda?
Un bes mas, MASHA DANKI pa e excelente servicio cu Soraida a brinda nos.
Pasa un bon dia.
st-maarten
Promenade 2
Swimming Pool Liberty
May 7th, 2009 at 6:54 am
Mi kier tuma e oportunidad aki pa felicita Maduro Travel y tur su empleadonan cu e bunita website aki. E ta hopi informativo y cualkier persona por haya tur informacion loke e ta desea na su “fingertips”. Pabien y hopi exito. Di parti di Dufi y Ija Kock, Savaneta 125-F, Aruba.