Shopping Night Exitoso!
Diahuebs ultimo Maduro Travel a organisa su prome Shopping Night cu tawata un exito rotundo. E concepto di Shopping Night ta un concepto nobo cu Maduro Travel ta introduci pa e pueblo di Aruba.
“Nos clientenan ta hendenan ocupa cu nan trabou y cu tempo limita pa pasa busca informacion pa planea nan vacacion. Pa e motibo aki Maduro Travel a disidi pa extende su orario tur diahuebs te cu 7.30 di anochi, pa ofrece e pueblo di Aruba un servicio amplio despues di nan trabou.”, Sra. Carla Kelly, Assistant Manager di Maduro Travel, ta informa. “Di e forma aki nos por ofrece e diferente y tantísimo paketenan cu nos tin disponibel ariba un forma mas relaha y sin e drukte di dia. Tambe tin hopi prijsnan special riba mercado den e temporada aki, cu ta haci dificil pa e pasahero por reconoce cu el’a haña e miho prijs. Maduro Travel ta pone tempo disponibel pa yuda tur nos clientenan pa haña e mihor ofertanan pa e vacacion
di nan soño.”
Carla ta continua y ta bisa “Durante tur Shopping Night Maduro Travel ta ofrece descuento y premionan na momento cu bo reserva y haci bo deposito. Diahuebs ultimo un cliente a wordo sorpresa cu un descuento di Afl. 200 instantaneamente!”
Maduro Travel ta invita tur su clientela pa pasa tur diahuebs anochi na nos branch na Oranjestad pa disfruta di e oportunidad unico aki y ta recorda bo cu nos branch na Tanki Flip ta habri tur diasabra di 9am - 1pm.